Latgolā nūtiks kulturu festivals “Pynu, pynu sītu”

Latgolā nūtiks kulturu festivals “Pynu, pynu sītu”

Latvijas folkloras festivals_logoNu 1. da 3. juļa Daugovpilī i vysā Latgolā piec LR Kulturys ministrejis Mozuokumtauteibu navalstiskūs organizaceju puorstuovu konsultativuos komitejis iniciativys nūtiks Latvejis pyrmais kulturu festivals “Pynu, pynu sītu”, kū organizej bīdreiba “Dienvidlatgales NVO atbalsta centrs” sadarbeibā ar Latgolys planavuošonys regionu, Daugovpiļs piļsātys dūmis Kulturys puorvaļdi, Latvejis Nacionalū kulturys centru i Eiropys Minoritašu centru (Vuoceja).

Latviskū kulturtelpu vysaidūs godsymtūs ir ītekmiejušys i papyldynuojušys ari cytu tautu kulturys, dūmūt sovu pīnasumu. Unikaluo kulturtelpa sekmej nacionaluos ideņtitatis nūsastyprynuošonu, globalizacejis apstuokļūs uztur i styprynoj pīdereibys sajiutu Latvejai.

Latvejis kulturu festivals, gatavejūt Latvejis symtgadei, reprezentej mozuokumtauteibu kulturys daudzveideibu i pīnasumu Latvejis kulturtelpai i veicynoj kūpeigūs vierteibu (breiveiba, tīsyskums, solidaritate i cytu) apsazynuošonu.

Festivalā pīsadaleis 1400 dalinīku nu 92 (nu tūs 52 mozuokumtauteibu) tradicionaluos kulturys muokslinīciskūs kolektivu, kurī kūp i popularizej sovys tautys kulturys tradicejis.

Festivala laikā kūpā nūtiks gondreiž 60 pasuokumu. 1. – 2. julī Daugovpiļs dzeivuotuoji i gosti dažaiduos piļsātys vītuos varēs baudeit vaira nakai 15 koncertus, vērtīs festivala dalinīku guojīni Reigys īlā, sekuot leidza i pīsadaleit vaira nakai 9 meistarklašu nūtikšonā, gasteit omotnīku teltīs, baudeit muzykaluo tramvaja koncertus. Festivala ītvorūs nūtiks ari Latvejis jaunīšu forums, storptautyskais NVO seminars i cytys aktivitatis. Sovukuort 3. julī kolektivi koncertēs vysā Latgolys regionā (Preiļūs, Rībeņūs, Viļānūs, Maltā, Malnovā, Ondrupinē, Leivuonā, Ludzā, Strūžanūs, Nagļūs, Gaigalovā, Drycānūs i cytur) i vokorā Kuorsovā sasapuļcēs nūslāguma koncertā, kurū vadeis akters Kristaps Rasims.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]