Rēzeknis bibliotekā apsaverama Valerejis Seilis 125. jubilejam veļteita izstuode

Rēzeknis bibliotekā apsaverama Valerejis Seilis 125. jubilejam veļteita izstuode

22. junī pedagoge, publiciste, bibliografe Valereja Seile svieteitu 125. jubileju. Pīmynūt Latgolys sabīdryskū darbineicu, da 30. juņa Rēzeknis piļsātys Centraluos bibliotekys laseitovā apsaverama nūvodpietnīceibys materialu izstuode: publikacejis nu gruomotu, presis izdavumu, kai ari gruomotys, kas viestej par nūzeimeiguokajim juos dorba i dzeivis faktim.

Izstuodē apsaverams V. Seilis sastateitais latgaliski izdūtūs gruomotu ruodeituojs “Grāmatas Latgales latviešiem”, kurymā apzynuots laika pūsms no 1585. da 1936. goda. Gruomotu var skaiteit par bibliografisku ratumu.

Tyvojūtīs 1917. godā Rēzeknē nūtykušuo Latgolys kongresa 100 godu pīmiņai, nūzeimeigs akcents – V. Seilis nūpalni kongresa organiziešonā, rezolucejis izstruodē i lemšonā par Latgolys apvīnuošonu ar puorejim Latvejis nūvodim.

V. Seile lelu īguļdejumu davuse latgalīšu gruomotnīceibys atteisteibā, kūpā ar Juoni Misiņu sistematizejūt gruomotys, kas izdūtys latgaliski nu 1585. goda da 1936. goda. V. Seile ir ari vairuoku žurnalu, kalenderu redaktore i daudzu publikaceju autore. V. Seilis saraksteituos gruomotys: “Latvīšu volūdas sintakse” (1921), “Latgolas likteni bēgļu laikmatā” (1934), “Grāmatas Latgales latviešiem” (1936), “Sistematiskais leidz 1935. godam latgalīšu izlūksnē izdūtūs grōmotu rōdeitōjs” (1935), “Latgolas aizvastūs preses darbinīku pīmiņas izstōde” (1943), “Paidagogikas vēsture” (1944).

Skaiteit vaira par Valerejis Seilis dzeivi i darbeibu

Karteņa: R. Suseja

Print Friendly, PDF & Email

Nūtikšonu kalendars

May
22
Svā
vysu dīnu Aleksandra Karpova izstuode “Māk... @ Pasauļa latvīšu muokslys centrs
Aleksandra Karpova izstuode “Māk... @ Pasauļa latvīšu muokslys centrs
May 22 vysu dīnu
Pasauļa latvīšu muokslys centra galerejā Ciesīs, Lelajā Školys īlā 6 da 22. maja apsaverama grafika Aleksandra Karpova (1953-1994) dorbu izstuode “Māksla kā ierocis”. Muokslinīks īt nu Latgolā zynomuos Volontu dzymtys, sovys dzeivis nūslāgumu pavadeja Rēzeknē, ari[...]
09:30 Ontona Matvejāna pīminis pasuokums @ Drycāni
Ontona Matvejāna pīminis pasuokums @ Drycāni
May 22 @ 09:30 – 13:00
9.30 Sv. Mise Drycānu bazneicā, dzīd i spielej Stiernīnis dzīdūšī jaunīši 11.00 Drycānu kulturys nomā – koncerts “Kai bolta sudroba dzeiteņa”. Pīsadaleis vītejī kolektivi, Stiernīnis, Varakļānu i cyti sadraudzeibys kolektivi, Ilze Grēvele-Skaraine, “Dricānu Dominante” i[...]