Mūdis muokslineica Elita Patmalniece pyrmū reizi runoj latgaliski Latvejis Radejā. Jei ir dzymuse Uogrē, nu obeji dzymdynuotuoji īt nu Latgolys, i, sateikūt kaidu Latgolys rodu, nikai navar īsadūmuot, ka varātu ar jim runuot “pa baltiskam”. Elita Patmalniece stuosta par sovu mamu, kas struoduoja par modelātuoju, tāvu, kurs bejs vysu īmeiļuots uorsts, i tū, kai bierneibā paleidzējuse dzedam dorbūs, cerejūt, ka nazkod jai ari byus taidys džinsu jiuzys kai jam. Naseņ Leivuona Muokslys i omotnīceibys centrā atkluota Elitys Patmalniecis izstuode “Saknes Latgalē”. Atkluošona asūt bejuse tik sirsneiga, ka vysu laiku gribiejīs rauduot.

Dace Dambe pietej, kas nūteik Rēzeknis Tehnologeju akademejā. Tī likvidāts vīns zynuotņu prorektora omots i sasamozynuojs uzsvors humanitarom zynuotnem.

Sovukuort Valentins Lukaševičs i Arņs Slobožanins vuordineicā runoj par papardis zīdu.