Viļānūs bārni i jaunīšu varēs vuiceitīs spielēt tautys muzykys instrumentus
????????????????????????????????????
19., 20. i 21. julī Viļānu kulturys noma kolektivs aicynoj bārnus i jaunīšus vacumā nu 6 da 18 godu pīsadaleit meistardarbneicuos “Nāc, stājies blakus un spēlēsim!”, kab īsavuiceitu voi papyldynuotu sovys prasmis tautys muzykys instrumentu spēlē, informej Viļānu nūvoda sātys lopa.
Treis dīnu garumā profesionalu školuotuoju vadeibā varēs vuiceitīs cītara spēli, bubyna spēli, kūklis spēli, stabuļu spēli, vejūļspēli, pīsadaleit stabuļu taiseišonā, vuiceitīs Latgolys daņčus, kai ari pīsadaleit kūpmuziciešonā i dzīduošonā.
Dasasaceit meistardarbneicom var:
- Viļānu kulturys nomā, iz vītys aizpyldūt dasacejuma anketu (tālr. 28662346);
- syutūt dasacejuma anketu elektroniski iz vilanu_kn@inbox.lv
Karteņa nu LaKuGys arhiva (autore: Kristīne Pokratniece)
