Cytaidi latviskais dora veinu i olu

Cytaidi latviskais dora veinu i olu

Latgolā tur gūdā seņču tradicejis, i tuos muok ari pylnveiduot, pīškirūt godūs puorbaudeitom lītom ari myusu dīnu vierteibys. Ituos sezonys pīktajā stuostā teik skrupulozi izzynuoti ols i veina dareišonys procesi.

Latgalīšu dzejnīks Valentins Lukaševičs vad iz Leiksnys pogosta Mīštelim, kur “Ābelīšu” sātys saiminīks Arvīds Ratnieks vuiceis Latgolys pietnīkam veina dareišonys procesa pošus pamatus. Obeji kūpā gatavēs uobeļu sulu, kurai vāluok juopalīk par uobeļu veinu. “Ābelīšu” sātu narūtoj vīns skaists veina duorzs, kas realitatē ir uobeļduorzs, nu ari kotrs kuorms saimisteibā ir ar interesantu viesturi, veidojūt saimis dīnysgruomotu. Kad veins byus nūbaudeits, Valentins brauks iz Zīmeļlatgolu, Bieržpili pi Daiņa Rakstiņa. Juo “Kolnasātys” ols jau īmontuojs daudzu tierdzeņu apmaklātuoju iņteresi i nūvodā ir labi zynoms. Raidejums puorsalīcynuos, ka saimē kotram sova līta zynoma i dorama, kab process nūtyktu veiksmeigai – sovs darbeņš mozajam Juoņam i ryupeigys saimineicys zynuošonys i dareišonys dorbu daļa pīdar Daiņa dzeivisbīdrei Ilonai.

cytaidi latviskais ols veins

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]