Jau šudiņ suoks svieteit Vuorkovys nūvoda svātkus

Jau šudiņ suoks svieteit Vuorkovys nūvoda svātkus

Jau itymā nedeļgolā ar vyspuseigim pasuokumim tiks svieteiti Vuorkovys nūvoda svātki, viestej nūvoda sātyslopa.

Nūvoda svātki, kas, kai īrosts, aizasuoks nūvoda centrā – Vacvuorkovys breivdobys estradē –, itūvokor 20.00 puļcēs skateituojus iz bezmoksys grupys “Bet Bet” koncertu. Nu 19.00 Vuorkovys muižys piļs parkā dorbuosīs omotnīku tierdzeņš i fotoizstuode “Mēs savā novadā”, kai ari byus izklaidis pasuokuma jaunuokajim apmaklātuojim. Sovys durovys nūvoda svātku laikā attaiseis ari poša Vuorkovys muižys piļs, kuruos zalā nu 19.00 byus apsaverama nūvodpietnīceibys muzeja izstuode “Mans novads – manas mājas”, nu piļs pagrobā sevkurs varēs baudeit Jelenys Lazdānis i Harija Vucāna gleznu izstuodi. Osuoku izjiutu baudeituojim tiks pīduovuots naaizmierstami jautrys pīdzeivuojums iz iudiņa, kas pateik i bārnim, i pīaugušajim – iudiņa bumbys, kuruos nu 19.00 byus daeimamys instruktoru dasavieršonā Dubnys upis krostā aiz Vacvuorkovys breivdobys estradis. Vuorkovys nūvoda svātku pyrmuos dīnys svineibys nūsaslēgs ar grupys “Ginc un es” zaļumbalu.

Svātku ūtruo dīna – 6. augusts – suoksīs ar sportiskom aktivitatem. Nu 10.00 Vacvuorkovys sporta stadionā nūtiks Vuorkovys nūvoda sporta svātki. Vokorā sevkurs teik aicynuots iz Vuorkovys duorza svātkim. 20.00 skverā preteimā Vuorkovys tautys nomam muzicēs grupa “Dabasu Surovys”, kurū piec koncerta nūmaineis grupa “Straume”, kab da pošys reita gaismys prīcynuotu ļusteigā zaļumbalā. Ieeja grupas “Dabasu durovys” koncertā būs bezmaksas.

7. augustā 11.30 Vuorkovys Vyssvātuokuos Treisvīneibys Rūmys katuoļu bazneicā nūtiks jau par naatjemamu nūvoda svātku tradiceju palykušais goreiguos muzykys koncerts, kurā jau ūtrū reizi muzicēs Lazdānu saime. Piec koncerta byus dīvkolpuojums par nūvoda dzeivuotuojim i tūs saimem. 14.00 mozī nūvoda svātku svieteituoji teik aicynuoti iz Vuorkovys piļs muižys parku, kab pīsadaleitu bārnu pīdzeivuojumu spēlē i izalaksteitu pīpyušamajā atrakcejā. 21.00 saleņā aiz Vacvuorkovys breivdobys estradis nūtiks nūvoda svātku nūslāguma pasuokums – jaunīšu “Saulrieta koncerts”, kurā ap gunkuru kūpā muzicēs Vuorkovys nūvoda jaunīši i jūs draugi.

Karteņa: momenti.lv

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.
May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]