Pīktdiņ iz GORA jumta varēs vērtīs kinu “Cylvāka bārns”

Pīktdiņ iz GORA jumta varēs vērtīs kinu “Cylvāka bārns”

Turpynojūt īprīkšejuos vosorys aizsuoktū tradiceju, ari itūgod Latgolys viestnīceiba GORS jau nu juļa beigu pīduovoj apmaklātuojim baudeit kinu seansus zam atkluotu dabasu iz koncertzala Jumta terasis. Itūpīktdiņ, 19. augustā, eipašs pīduovuojums – Juoņa Streiča kina “Cylvāka bārns”.

Kai viestej Latgolys viestnīceibys GORS sātyslopa, kinu vokori nūteik kotru pīktdīni i sastdīni, nu pīktdīņu vokorus pyrma kinu seansu eipašuokus padora vysaidu muziku uzastuošona. 19. augustā 21.00 gaidoms naparosts akordeona, gitarys i vejūlis apvīnuojums vīnā koncertā. Savvys Ziha (akordeons) i Simeona Deikina (gitara, vejūle) izspālātajā koncertprogramā izskanēs Mailza Deivisa, Erika Satī, Astora Pjacollas, Petra Makkonena i cytu autoru skaņdorbi i džeza improvizacejis.

Nu kinys baudejumam sirsneigais “Cylvāka bārns” – 1991. goda latvīšu melodrama. Tei ir pyrmuo latgalīšu kina – Latgolā (Sakstagolā) filmāta i pošu latgalīšu spākim veiduota. Kina ir baļsteita iz Juoņa Klīdzēja romana ar taidu pošu nūsaukumu motivim. Stuosts par Latgolys Paulānu saimis dzeivi, par tradicejom i vierteibom, kas teik nūdūtys nu paaudzis uz paaudzi. Golvonais varūņs Bonifācijs Paulāns, dzeivisprīceigais i zynuotkuoreigais Boņuks, nu agrys bierneibys vuicuos veiduot attīceibys ar saimis lūceklim i puorejim cylvākim, ar Dīvu i dobu. Kina īvad skateituojus Latgolys sātā, ruodūt latgalīšu zemnīku gudrū dzeivisziņu, darbeigū kasdīnu i mozuos sirds auklātū pyrmū mīlesteibu. Kina ir sajāmuse kinofestivala “Lielais Kristaps” bolvu kategorejā lobuokuo kina.

Īīšonys beleti iz kinys i muzykys vokorim pīktdīnēs ir 7 eiro (grupom nu 3 cylvāku, pierkūt beletus Latgolys viestnīceibys GORS kasē, īīšona iz vokora pasuokumu 5 eiro kotram). Beleti nūpierkami Latgolys viestnīceibys GORS kasē, latgalesgors.lv voi pusstuņdi pyrma vokora pasuokuma. Apmaklātuoju īviereibai – pierkūt beletus taišni pyrma pasuokuma, navarēs nūsariekinuot ar moksuojumu kartem. Īrūbežuotuo gostu skaita deļ teik aicynuots beletus īsaguoduot laiceigi.

Koč i Latgolys viestnīceiba GORS pasaryupēs par syldūšajom lampom i pledim, tok kinys i muzykys vokoru apmaklātuoji teik aicynuoti viļktīs piec vareibys syltuok. Nalobu laikapstuokļu gadīnī kinys i muzykys vokoru nūtikšonys vīta var pasamaineit.

Publicitatis karteņa

Print Friendly, PDF & Email

Kalenders

Apr
15
Pyr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 15 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]