16. i 17. septembrī Žeigurūs nūtiks Meža svātki, viestej Viļakys nūvoda sātyslopa.

16. septembrī 18.00 Žeiguru KN Mozajā zalā paradzāta sasatikšona ar Nacionaluo botaniskuo duorza Puortykys, aromatiskūs i uorstnīceibys augu nūdalis duorzkūpeibys specialisti Lienu Bleideli, kurei pīduovuos lekceju par jaunajom ūguluoju kulturom. Taipat varēs izzynuot informaceju par botaniskū duorzu i īsaguoduot stuodus.

17. septembrī svātki AS “Latvijas valsts meži” atpyutys vītā tiks suokti ar Žeiguru kulturys noma amatīrmuokslys kolektivu sveicīni svātkūs. Anna Āze aicynuos īpazeit Zodānu pūra viesturi, bet nu 13.00 da 15.00 vysi teik aicynuoti pīsadaleit rodūšajuos darbneicuos. Varēs baudeit ari meža lobumu zupu i čaju, degustēt pūra ūgu iedīņus i dzierīņus, kai ari vērtīs kūku guozšonys i sagarumuošonys mašynys darbeibys paraugdemonstriejumus, kai ari zuodžēt molku ar santāvu instrumentim.

19.00 Žeiguru kulturys nomā nūtiks postfolklorys grupys “Rikši” koncerts, piec tuo paradzāts bals ar Zinti Krakopu.