Rēzeknis nūvoda pošvaļdeibys foaje nu 5. da 19. septembra byus apsaverama “LeonFoto fotoskolas Austrumlatvijā” vuiceibu programys “Fotoglezniecība” absolventu Agnesis Kalvītis, Danys Gricikys i kursa pasnīdzieja Leonida Važnuo fotoizstuode “Atklāsme”.

Fotoizstuodis dorbi ir veiduoti kai digitaluo fotoattāla i zeimiejuma sinteze, itū tehnologeju var nūsaukt par fotogleznīceibu. Digitalais fotografiskais attāls teik apvīnuots ar fakturom, kuruos ir veiduotys analogā veidā iz papeira voi kaida cyta materiala. Veidojūt gleznīciskuos fakturys teik lītuoti muokslinīciskī pajiemīni, izmontojūt akvareli voi cytu zeimiešonys tehniku ar tuoluoku attāla piecapstruodi grafiskajā redaktorā.

Vuiceibu programa “Fotoglezniecība” ir vīna nu vairuokom “LeonFoto fotoskolas Austrumlatvijā” vuiceibu programom, kas ir modernuos fotomuokslys vierzīņs.

Izstuodis kurators: L. Važnais – fotografs, fotografejis pasnīdziejs, “LeonFoto fotoskolas Austrumlatvijā” dybynuotuojs i vadeituojs (Rēzeknē).

Fotoškolys sātys lopa: leonfoto.blogspot.com

Drukavuot