Kas nūteik Latgolys dzeivinīku patversmēs? Klaiņojūši suni i kači, taidi, kurūs pamatuši saiminīki, voi tī, kurī izgluobti nu cītsirdeigu apstuokļu, teik dzeivinīku aba žeivotu patversmēs, kur teik apryupāti i gaida sovu eistū cylvāku. Leluokajuos Latvejis patversmēs cīši izviertej, kam ļaut dzeivinīku adoptēt i kuram cylvākam juoatsoka, kab dzeivinīks otkon natyktu patversmē. Taipat ir styngri nūsacejumi par sterilizaceju i čipuošonu. Kaida situaceja ir Latgolys patversmēs – kai dzeivinīki tymuos teik, kaidūs apstuokļūs dzeivoj i kaidi ir adopcejis nūsacejumi, tū izzynoj Dace Dambe.

Par lykumim Vuordineicā runoj Arņs Slobožanins i Valentins Lukaševičs, nu “Kolnasātys” intervejā nu Latgolys studejis – Edgars Blinovs, pogosta puorvaldnīks, kurs puorejā laikā nūsadorboj ar kinu. Augustā nūsaslāguse filmiešona eiskinai “Reiz Rēzeknē”, kū veidoj storptautyska komanda.