Jubileja koncertu Rēzeknē svieteis Daiņs Skutelis

Jubileja koncertu Rēzeknē svieteis Daiņs Skutelis

dainis-skutelis10. decembrī sovu 30. jubileju ar koncertu Latgolys viestnīceibā GORS svieteis romantiskais tenors Daiņs Skutelis, viestej informaceja latgalesgors.lv.

Nazy voi tūreiz – pyrma 8 godu, uzvarūt “Latvijas Zelta talantu” šovā, kautreigais Latgolys puiss ar breineigū bolsu paredzēja, kaidu skateituoju mīlesteibu i atsauceibu sajims pavysam dreizā nuokūtnē. Daiņa breineigajā, styprajā i melodiskajā bolsā ocumierklī īsamīļuoja daudzu paaudžu klauseituoji, i itūšaļt jis ar sovu vokalū meistareibu i ciļviecyskū vīnkuoršeibu ir palics par vīnu nu Latvejis jaunuos paaudzis mīļuotuokūs muokslinīku – pīsadalejs daudzūs operys i operetis īstudiejumūs, TV šovūs, koncertūs i izvadumūs, izdzīduojs vairuokys solo i duetu programys.

Partū taišni sovā jubileja dīnā, 10. decembrī, tik i vīneigi Latgolys viestnīceibā GORS grandiozā divdaleigā koncertā Daiņs izdūmuojs puļcēt tūs muokslinīkus, ar kurim godu gaitā bejuse cīša sadarbeiba. Koncertā “Dzimis dziesmai Latgalē” kūpā ar Daini iz skotuvis kuops ari Sonora Vaice, Ingus Pētersons, Ilona Bagele, Andris Ērglis, Antra Stafecka, Normunds Zušs, Anmary, Endija Aleksandra, Oranžūs mārgu trio, Jolanta Strikaite-Lapiņa, Anta Jankovska (Italeja), Bel Canto orkestris, Vydzemis augstīnis kamerorkestris, Rēzeknis nūvoda jauktais kors “Ezerzeme”, Rēzeknis muzykys vydsškolys jauktais kors, komponists i pianists Juoņs Strazds, saksofonists Zintis Žvarts, kontrabasists Aivars Meijers, bundzinīks Gundars Lintiņš i cyti.

Pasuokuma organizatori aicynoj beletus īsaguoduot jau īprīšk, partū ka, tyvojūtīs koncertam, tī var palikt duorguoki.

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
Jul
13
Svā
17:00 Izruode “Mazpiļsāta” @ "Pūt, vējiņi" koncertduorzs
Izruode “Mazpiļsāta” @ "Pūt, vējiņi" koncertduorzs
Jul 13 @ 17:00 – 19:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]