Mārgu grupa “Piparmētra” pīduovoj nūsaklauseit dzīsmi “Elpoj”.

“Pasauli var redzēt vysaiž. Attīksme pret lītom i nūtikšonom var byut vysaida. Golvonais – naīspryngt i breinuotīs!” tai par jaunuos dzīsmis viestejumu soka grupys “Piparmētra” dalineicys: Jana Dudare (bolss), Adelīna Olehnoviča (bass), Megija Pabērza (bungys), Amanda Lapa (gitara, bolss), Elza Timšāne (gitara), Lonija Kakeševa (tausteni).

Muzyka: Evija Smagare
Vuordi: Arņs Slobožanins
Dzīsme īraksteita “Custom Studio” Daugovpilī. Miksēja Ugis Vilcāns.
Videoversejis autors ir Ivars Utināns. Video radeits mārgu dzymtajā piļsātā Īlyukstē, izmontojūt Jaunīšu centrā asūšuo muzeja “Sēļu istaba” rekvizitus.