Reigys latgalīšu folklorys kūpa aicynoj dasavīnuot dzīduotgrybātuojus
Reigā jau vairuokus godus dorbojās bidreibys “Latgolys Studentu centrs” folklorys kūpa “Ceidari”, kas apvīnoj latgaliski dzīduotgrybātuojus. Ceidari veisksmeigi pīsadola dažaidūs folklorys festivalūs, kai pīmāram, “Baltica”, Daugovpiļs Storptautyskajā folklorys festivalā, i ļusteigi kūpeigi pavoda breivū laiku. Folklorys kūpai bejuse ari veiksmeiga sadarbeiba ar dzīsminīku Kārli Kazāku.
“Ceidari” aicynoj vysus latgaliski dzīduot grybūšūs pīsavīnuot i kuplynuot dzīduotuoju pulku, interesenti ir aicynuoti iz atvārtū mieginuojumu 3.oktobrī Latgolys puorstuovnīceibā Reigā, Tūrņa īlā 4, IIIC 18 stuņdēs.
Vaira par folklorys kūpu var dazynuot tuos kontā facebook.com.
“Ceidari” kūpā ar Kārli Kazāku festivalā “Muzykys Skrytuļs” 2014. godā.
Leidzeigī roksti:
Nūtiks Latgolys dīna Reigā Augusts 7, 2020 
Koncertu cyklā “Mūzika Latgales dievnamos” – pyušaminstrumenti kūpā ar varganem Septembris 11, 2020 
Grupu “Skyforger” iz GORA skotuvis īsiļdeis latgalīši “Green Novice” Septembris 24, 2020 
