Latgalīšu volūda reklamā i marketingā – voi “latgaliskuo” apsazynuošonys i izmontuošonys viļņs līcynoj par kū palīkūšu, voi tys ir eislaiceigs puordūšonys triks? Diskusejā raidejumā “Kolnasāta” pīsadola Raimonds Platacis, reklamys agenturys “Abnormal” rodūšais direktors, volūdneica Muora Mortuzāne-Muravska i Aigars Zīmelis, kurs kūpā ar Ingūnu Zīmeli “Latgolys Ūgys” zeimūlā apvīnuojs ražuotuojus nu Latgolys, jis ari Preiļu nūvoda dūmis deputats.

Par vīnu nu sarunys tematim – tū, cik prasmeigai teik izmontuota latgalīšu volūda, stuosta ari Teņs Bikovskis, jis aizdūd vaicuojumu Šekspira stilā – raksteit latgaliski ar klaidom voi naraksteit vyspuor, ka namuok tū dareit pareizi? Iz itū vaicuojumu atsoka muokslinīks Eriks Grosbergs, iz kura volūdys klaidom kruosojamajā ābecē nūruodeja škārsteikla lītuotuoji, nūvodpietnīks Ivars Logins, festivala “Upeitis uobeļdorzs” veiduotuojs Andris Slišāns i Latvejis Universitatis profesore, volūdneica Lideja Leikuma.