14. oktobrī iz PAKAC skotuvis (Kuorsovys īlā 4, Preiļūs) kuops mārgu grupa “Piparmētra”, kas pīduovuos dzeivuos muzykys koncertu, viestej Preiļu nūvoda sātyslopa.

Grupa “Piparmētra” dybynuota pyrma goda Īlyukstē. Grupā ir 6 školysbīdrinis, kas sasatyka Īlyukstis bārnu i jaunīšu centrā, kur piec gitarspēlis pamatu vuiceišonuos tyka nūdūmuots dybynuot grupu. Grupā muzicej: Adelīna Olehnoviča (bass), Amanda Lapa (gitara, bolss), Jana Dudare (bolss), Lonija Kakeševa (tausteni), Megija Pabērza (bungys), Elza Timšāne (gitara). Īsatekmejūt nu taidu grupu kai “Prāta Vētra”, “The Beatles”, “The Rolling Stones” i cytu, teik na tik izpiļdeitys itūs grupu kaverversejis, nu ari radeitys sovys originaldzīsmis.

Grupa ir sajāmuse lobus panuokumus vairuokūs jaunūs grupu konkursūs: “Zaļais Knābis” (Ūgre), “Homesick” (Vīseite), “Gaisa Trīce” (Ikškile), “Super Mikrofons” (Rēzekne), “No Baroka līdz rokam” (Reiga). Ituo gods aprelī grupa elektroniski izdavuse mozalbumu “Slāpes“, kurymā īkļautys pīcys dzīsmis.

Koncerta suokums 22.00, nu durovys byus vaļā i čajs daīmams jau nu 21.00. Īīšona par zīduojumu 1.50 eiro apmārā.