Reigā i Daugovpilī nūtiks grupys “Dabasu Durovys” albuma “Pādys runoj” prezentacejis koncerti.

27. oktobrī 21.30 Reigā, folkklubā “ALA. Pagrabs” “Dabasu Durovys” spielēs akustisku, pīklusynuotu koncertu. Grupai pīsavīnuos ari Laura Bicāne, kura spielēs akordeonu.

Daugovpilī albums tiks prezentāts 3. novembrī 22.00 klubā “Artilērijas pagrabi”.

Taipat tyvuokajā laikā grupu varēs dzierdēt 22. oktobrī Reigā, kod “Dabasu Durovys” pīsadaleis muzykys i muokslys festivala “BILDES” jaunūs grupu i veteranu koncertā Reigys Kongresu nomā, kur kūpā ar grupu “Piparmētra” izpiļdeis dzīsmi “Saulis karaļa golmā”. Sovukuort 29. oktobrī “Dabasu Durovys” pīsadaleis grupys “Tumsa” jubileja koncertā Latgolys viestnīceibā GORS, Rēzeknē, izpyldūt vīnu Muorteņa Freimaņa dzīsmi latgaliski.

Albums “Pādys runoj” viestej par cylvākim, sajiutom i klusuma volūdu, kas reizem pasoka vaira par vuordim. Jaunais albums ir stuosts par ceļu un ari pādim, kas vyslobuok zyna par tū, kas ir pīdzeivuots. Itei tema vīnoj vysys albumā īkļautuos dzīsmis, kurūs nūslāgumā ir na beigys, nu suokys – dzīsme “Suokums”. “Pādys Runoj” ir ari par pošys grupys 10 godu ceļu, kas ļuovs atrast vītu Latvejis i eipaši Latgolys muzykā i ari atstuot sovus pādus tamā.