Rēzeknē varēs izzynuot 9. kuojinīku pulka viesturi

Rēzeknē varēs izzynuot 9. kuojinīku pulka viesturi

8. novembrī 14.00 Latgolys Kulturviesturis muzejā (Atbreivuošonys alejā 102, Rēzeknē) nūtiks tradicionaluo Viesturis šaļteņu pītura, kas veļteita tematam “No Rēzeknes 9. kājnieku pulka vēstures”, informej muzeja eksperts kulturviesturis vaicuojumūs Kaspars Strods.

Novembris ir Naatkareibys kara mieness, kod vysā Latvejā teik pīmynāti cylvāki, kas ceinejuos par Latvejis Republikys breiveibu i patstuoveibu. Piec Latvejis Naatkareibys kara (1918–1920) beigom i Latgolys atbreivuošonys nu lelinīku okupacejis spākim 1920. goda janvarī ari Rēzeknē aizasuoce jauns viesturiskuos atteisteibys pūsmys. Laika periodā nu 1920. da 1940. goda vīns nu piļsātys simbolim beja Rēzeknis 9. kuojinīku pulks, kas vāluokajūs godūs palyka par naatjemamu Rēzeknis piļsātys sastuovdaļu.

Kaida beja Rēzeknis 9. kuojinīku pulka viesture i nūzeime Rēzeknis piļsātys dzeivē? Kaida viesturiska saisteiba sasaglobuojuse da myusu dīnu? Pasuokumā pīsadaleis ari puorstuovi nu Zemissardzis 3. brigadis.

Īīšona pasuokumā: breiva

Karteņā: Rēzeknis 9. kuojinīku pulka karaveiri pi pulka emblemys. 20. gs. 30. godi. Karteņa nu Latgolys Kulturviesturis muzeja kruojuma.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]