18. novembrī Preiļūs gūdynuos Juoni Streiču

18. novembrī Preiļūs gūdynuos Juoni Streiču

26. septembrī Preiļu nūvoda Gūda pylsūņs, izcylais latvīšu režisors, scenarists, akters, rakstnīks i gleznuotuojs Juoņs Streičs svieteja 80 godu jubileju. Kab gūdynuotu režisoru, Reigys Kino muzejs i Nacionalais kino centrys vysu 2016. godu pasludynuojuši par Juoņa Streiča kinogodu. Vysaidi pasuokumi tyka reikuoti i Reigā, i Preiļu nūvodā, i cytur Latvejā.

Juoņa Streiča dzymtajā Preiļu pusē muokslinīku sveiks Latvejis Republikys proklamiešonys dīnys vokorā, 18. novembrī, 17.00 Preiļu kulturys nomā ar sareikuojumu “Vakarēšana”, kurymā Juoņs Streičs i akteri Sarmeite Rubule, Karina Lučinina, Juoņs Paukštello, kai ari muzikis Ēriks Zeps i ansamblis “Dziga” kūpā ar skateituojim skaiteis i izdzīduos Juoņa Klīdzēja stuostu “Zelta krustiņš”. Tei byus vakariešona kai režisora bierneibā, kod zīmys vokorūs saguoja siebrineicys, kab, struodojūt leidza pajimtūs rūkdorbus, varātu pasaklauseit, kū Streiču Juoneits tuom skaiteja prīškā.

Pasuokumu finansiali atbolsta Latgolys regiona atteisteibys agentura, Vaļsts kulturkapitala fonds i A/S “Latvijas valsts meži”.

20161019_streica_afisa

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]
13:00 Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
May 30 @ 13:00 – 14:30
30. majā 13.00 stuņdēs RCB Grīziņkolna filialbiblioteka (Alauksta īlā 10) aicynoj iz sasatikšonu ar Juri Cybuli. Jurs Cybuļs ir volūdnīks, tulkuotuojs, publicists i školuotuojs, kurs vaira nakai 40 godu pietej i kolekcionej ābecis. Jurs Cybuļs[...]