24. i 25. novembrī Latvejis Nacionalajā bibliotekā (LNB) nūtiks storptautyska zynuotniska konfereņce “Grāmata un sabiedrība Latvijā līdz 1945. gadam”, kas veļteita gruomotnīceibys i literaturys viesturnīka, biblioteku darbinīka Alekseja Apīņa (1926–2004) 90. dzimšonys dīnai, informej bibliotekys puorstuovs Augusts Zilberts. Vīna nu konfereņcis sekcejom veļteita taišni Latgolys gruomotu i rūkrokstu kulturys montuojumam.

Konfereņcē ar referatim pīsadaleis zynuotnisku i atminis instituceju darbinīki, humanitarūs, socialūs i muokslys zynuotņu pietnīki, gruomotnīceibys i poligrafejis specialisti, kai ari vuiceibspāki nu Latvejis i uorvaļstu augstškolu.

25. novembrī nūtiks dorbs konfereņcis sekcejā, kas veļteita Latgolys gruomotu i rūkrokstu kulturys montuojumam. Tamā varēs dzierdēt Muorteņa Boiko referatu par jezuitu lauku miseju gruomotom i latgalīšu tradicionalū muzyku, Skaidreitis Kalvānis referatu par nepazeistamim katuoļu manuskriptim latgalīšu volūdā. Lideja Leikuma stuosteis par J. Akeleviča bišu audziešonys gruomotu (1832), nu Ilga Šuplinska analizēs Latgolys Kulturys centra izdevnīceibys saraksti 20. gs. 90. godūs.

Īīšona bez moksys.