Daugovpilī nūtiks Latgolys viesturei veļteits lektorejs

Daugovpilī nūtiks Latgolys viesturei veļteits lektorejs

Latgolys Centraluos bibliotekys reikuotuo vuiceibu lektoreju cykla “Latgola ceļā iz Latvejis vaļsti” trešais vuiceibu lektorejs “Latgolys viesturiskī aspekti ceļā iz Latvejis vaļsti” nūtiks 24. novembrī 10 stuņdēs Latgolys Centraluos bibliotekys laseitovā. Tū vadeis viesturis zynuotņu doktors, asociātais profesors, Daugovpiļs Universitatis Latgolys pietnīceibys instituta vadeituojs Henrihs Soms.

Eipaša H. Soma aizaraušona ir Latgolys viesturis izpiete. Suocūtīs Atmūdai, 1991. godā kūpā ar dūmubīdrim jis pīsadaleja Latgolys Pietnīceibys instituta dybynuošonā Daugovpilī. 2006. godā H. Soms tyka apstyprynuots Latgolys Pietnīceibys instituta direktora omotā. 1993. godā instituta paspuornē piec H. Soma iniciativys tyka izveiduots informacejis centrys “Latgales dati”, kur teik apkūpuota informaceja i veiduota datu baze par Latgolys viesturis faktim i Latgolys sabīdryskajim i kulturys darbinīkim. Datubazis pamatā ir H. Soma savuoktuo kartoteka papeira formatā, kas veiduota, padzilinuoti studejūt Latgolys viesturis olūtus (laikrokstus, arhiva materialus) i publikacejis.

Latgolys Centraluos bibliotekys vuiceibu lektoreji Daugovpiļs i regiona kulturys darbinīkim teik reikuoti ar mierki duovuot vareibu padzilinuot zynuošonys Latgolys kulturviesturē. Vysi interesenti teik aicynuoti dasasaceit, partū ka vītu skaits ir īrūbežuots. Dasasaceit var da 23. novembra, rokstūt iz e-postu dzidra.stupane@lcb.lv voi zvonūt 65476341.

Lektoreju cyklu finansiali atbolsta VKKF “Latvijas Valsts mežu atbalstītā Latgales kultūras programma 2016”.

Print Friendly, PDF & Email

Kalenders

May
19
Svā
all-day Foto muokslinīka Juoņa Gleizda s... @ Latgolys viestnīceiba "Gors"
Foto muokslinīka Juoņa Gleizda s... @ Latgolys viestnīceiba "Gors"
May 19 all-day
Nu 9. apreļa da 19. maja Latgolys viestnīceibys “Gors” Muokslys galerejā i pyrmuo stuova seminaru telpā eksponāta foto muokslinīka Juoņa Gleizda symtgadei veļteita izstuode “GAISMĀ. punkts”, informej “Gora” puorstuove Santa Kļaviņa. Izstuode sastuov nu Juoņa[...]
all-day Latgolys grafikys simpozeja izst... @ Rotko muzejs
Latgolys grafikys simpozeja izst... @ Rotko muzejs
May 19 all-day
Pīktdiņ, 22. martā, 16.00 stuņdēs Rotko muzejā nūtiks 12. Storptautyskuo Latgolys grafikys simpozeja nūslāguma izstuodis atkluošona i muokslinīku gūdynuošona.   Storptautyskais Latgolys grafikys simpozejs, kas itūgod nūteik nu 8. da 22. marta, jau divpadsmytū reizi[...]
all-day Rotko muzeja pavasara sezonys iz... @ Rotko muzejs
Rotko muzeja pavasara sezonys iz... @ Rotko muzejs
May 19 all-day
1. martā ar četrom jaunom Latvejis muokslinīku izstuodem tiks atkluota Rotko muzeja pavasara sezona. Kai informej muzeja puorstuovi, tamā byus apsaverama izstuode “Bastions”, kuru veiduojuse vīna nu Latvejis laikmeteiguos gleznīceibys spūdruokūs muokslineicu – Frančeska Kirke, fotografa[...]
May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]