Leivuonā atkluos izstuodi “Stikls bez robežām”

Leivuonā atkluos izstuodi “Stikls bez robežām”

Zīmyssvātku laiks Latgolys muokslys i amatnīceibys centrā, Leivuonā, teik īlaidynuots styklā, rūtojūt egli ar stykla puorsleņom i organizejūt izstuodi “Stikls bez robežām”, informej centra puorstuove Sanita Pinupe. Izstuodis i leluos Zīmyssvātku eglis atkluošonys pasuokums nūtiks 17. decembrī 14.00.

Tradicionali amatnīceibys centrā leluo Zīmyssvātku egle teik puškuota ar natradicionalim rūtuojumim. Itūgod egli rūtuos stykla puorslenis, kū nu septembra da decembra veiduojuši rodūšūs darbneicu dalinīki stykla muokslineicys Ingys Salminis vadeibā.

Paraleli stykla puorsleņu rūtuotajai eglei, izstuožu zalā izvītuota izstuode “Stikls bez robežām”. Eksponātūs dorbu autori ir Inga Salmiņa (laidynuots styklys), Juoņs Ziemelis (kūkgrīzumi) i Muorteņš Markots (metals). Izstuodi organizej rodūšuo apvīneiba “Perspektīva” i Latgolys muokslys i amatnīceibys centrys, atbolsta VKKF i Latgolys regiona atteisteibys agentura.

Muokslineica Inga Salmiņa par izstuodi stuosta: “Gatavejūt izstuodi “Stikls bez robežām”, radeiti jauni dorbi – gaismys objekti, kurūs styklys īsamirdz nu jauna, kai ari metals i kūks atsadzeivoj. Vaicojūt organisku saikni storp atškireigim materialim – styklu, kūku i gaismu, saplyudynojūt ituos komponentis kūpā, izveiduotys kompozicejis, kuruos radzamys gaismys objektūs. Izstuodē radzamī dorbi, apvīnojūt vysaidus materialus, ir jaunys suokys, kas tiks turpynuotys, veidojūt jaunys variacejis.”

Izstuode byus apsaverama da 7. janvara Leivuonā, Latgolys muokslys i amatnīceibys centra izstuožu zalā.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.