Pušnakts šovs septeņūs ar Juri Vucānu

Pušnakts šovs septeņūs ar Juri Vucānu

29. decembrī Upeitis Tautys nomā nūtyka interesants eksperiments – improvizacejis šovs. Šova vadeituoja lūmā īsajuta muzikis Jurs Vucāns, nu šova gosti beja muzikis Guntis Rasims, dzejnīks Raibīs i byuvinženers Vucānu Voldyks.

Šova laikā vadeituojs Jurs “eipašajim gostim” aizdeve vysaidus interesantus aizdavumus, kurūs izpyldūt, lītā beja juolīk improvizacejis spiejis. Kotrys aizdavums beja interesantuoks par nuokušū, i skateituoji vysa šova garumā smiejuos vādarus turādami.

Muzykalū pavadejumu pasuokuma laikā nūdrūsynuoja grupa “Unknown Artist”, nu reklamys – atpyutys šaļteņu pauzis – folklorys kūpa “Upīte”, demonstrejūt seriala “Idioti” jaunuokuos treis serejis, kai ari nuokušajam 2017. Gaiļa godam eipaši sagataveitu “Gaileišu – Visteņu” deju.

Šova nūslāgumā vadeituojs ar gostim vysim veļteja jaunu, speciali Upeitis apmekliejumam sacarātu Zīmyssvātku dzīsmi, nu Upeitis Tautys nomam nūvēlēja vēļ vīnu centralū apkuri, divreiz leluoku kvadraturu i daudz vysaidu materialu puzuru.

Šovs ir taida līta, kū atkuortuot navar, nuokušais byus cytaižuoks, partū, kab nanūkavietu, sekoj leidza afišai.

Teksts: Namaterialuos kulturys montuojuma centra “Upīte” direktors Andris Slišāns

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]