Da 4. februara Preiļu Golvonuos bibliotekys 2. stuovā apsaverama muokslinīku plenera Rībeņūs (2015) dorbu izstuode, viestej informaceja Preiļu nūvoda sātyslopā. 

Literatura, muzyka, muoksla veicynoj sovstarpeigū sapratni, nūjauc rūbežys cylvāku pruotūs i sirdīs. Izstuodē apsaverami dorbi, kas radeiti 2015. godā muokslinīku plenera laikā Rībeņūs. Projektu “Māksla vieno jeb nojaucam robežas ar mākslas palīdzību” realizēja bīdreiba “Riebiņu novada attīstības biedrība” sadarbeibā ar Rībeņu nūvoda dūmi.

Latgola i Rībeni rudiņa daudzkruosaineibā – tik dažaidi tū saredz muokslinīki Juoņs Plivda, Aivis Pīzelis, Voldemars Kokorevičs, Jonas Pleckevičus, Dana Eglīte, Laura Reitāle, Lūceja Puplovska, Gunta Terēzija, Pāvels Ostapcevs, Anatolijs Borodkins, Sandra Sabīne Skrebinska. Muokslys dorbūs var atpazeit i Pastaru vieja patmalis, i nūvoda dīvnomus, muižys, parkus i dobys ainovys.