Janvara catūrtdīnēs Latgolys radejā izskanēja Latgolys viesturei 20. gs. 40. godūs veļteits raidejumu cyklys “Mūsu pagātne līdzās: spēka avots vai skelets skapī”, kurū veiduoja Latvejis Okupacejis muzejs.

Pyrmajā viesturneicys Elīnys Kalnenis vadeitajā raidejumā Rūmys Katuoļu bazneicys Rēzeknis – Aglyunys diecezis veiskups Juoņs Buļs i Latvejis Okupacejis muzeja viesturneica Inese Dreimane runuoja par gareigumu, gareidznīceibu i okupacejis varu Latgolā pagājušuo godu symta 40. godūs.

Ūtrajā raidejumā nūvodpietnīks bolvuonīts Zigfrids Berkis i Latvejis Universitatis Viesturis instituta pietnīks Zigmārs Turčinskis runuoja par latgalīšu pretesteibu padūmu okupacejai Zīmeļlatgolā.

Trešajā raidejumā viesturnīks Juoņs Viļums i dokumentaluos kinys “Segvārds Vientulis” režisors Normunds Pucis stuosteja par pretesteibu padūmu varai Dīnvydlatgolā.