“Kolnasātā” par Daugovys lūkim i muola Boņukim
Dobys aizsardzeibys puorvaļdis Latgolys regionaluos administracejis direktore Anda Zeize itūreiz raidejumā atkluoj, kur globojās Daugovys lūku skaistums i unikalitate i kai vierzuos Daugovys lūku iekļaušona UNESCO Pasauļa montuojuma sarokstā.
Taipat raidejuma ītvorūs Dace Dambe gastej pi Vēsmys i Aivara Ušpelim, kab īsapazeitu, kai jūs darbneicā “Malny Vylki” teik radeiti muola Boņuki. Muola figurenis par panuokumim latgalīšu kultirā eipašajā Latgalīšu kulturys goda bolvys padūšonys ceremonejā sovus jaunūs “saiminīkus” jau deveitū reizi atrass februara beiguos.
Raidejumā tiks attaiseita ari kaida Latgolys viesturis puslopa, kurymā itūreiz īsaver Vineta Vilcāne, kab stuosteitu par senejuokūs školu viesturi Latgolā. Tai, par pīmāru, Izvolta školai Kruoslovys nūvodā itūgod palīk 200 godu.
