Latgolys Kulturviesturis muzejā varēs izzynuot vaira par Rēzeknis piļsātys vaļdi

Latgolys Kulturviesturis muzejā varēs izzynuot vaira par Rēzeknis piļsātys vaļdi

14. februarī 14.00 Latgolys Kulturviesturis muzejā (Atbreivuošonys alejā 102, Rēzeknē) nūtiks tradicionaluo Viesturis šaļteņu pītura, kas itūreiz veļteita tematam “Nu Rēzeknis piļsātys vaļdis viesturis”, informej muzeja eksperts kulturviesturis vaicuojumūs Kaspars Strods.

Piec Latgolys atbreivuošonys nu lelinīku karaspāka 1920. gods janvarī suocēs kara izpūsteituo regiona kasdīnys dzeivis normalizacejis i sakuortuošonys process. Rēzekne beja vīna nu leluokajom Latgolys piļsātom, kurymā vysus Latvejis Republikys naatkareibys godus dorbuojuos ari piļsātys vaļde, kas beja atbiļdeiga par apdzeivuotuos vītys tuoluokū atteisteibys gaitu da poša 1940. goda.

Kaidi beja piļsātys vaļdis golvonī darbeibys vierzīni? Kurī beja radzamuokī piļsātys prīškstuovi? Kas nūtyka piļsātys golvonuos varys institucejis īkšīnē? Atbiļdis iz itim vaicuojumim varēs atrast nūtikšonā.

Īīšona – bez moksys.

Karteņā: Rēzeknis piļsātys vaļde, 20. gs. 30. godi. Karteņa nu Latgolys Kulturviesturis muzeja kruojuma.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]