Preiļūs nūtiks latgalīšu rokstu volūdys nūdarbeibys
Jaunīšu bīdreiba “Latgolys Studentu centrs” aicynoj iz latgalīšu rokstu volūdys nūdarbeibom Preiļūs 25. februarī i 1.aprelī.
Nūdarbeibuos varēs uzzynuot latgalīšu rokstu volūdys pamatlykumus i uzlobuot raksteitprasmi kasdīnys saziņā.
Vālams apmeklēt obys nūdarbeibys, jo 1. apreļa nūdarbeiba byus turpynuojums īprīkšejai. Nūdarbeibys paradzātys cylvākim bez prīkšszynuošonom pareizraksteibā i interesentim, kas gryb atsvaidzynuot jau apgiutuos prasmis. Vītu skaits īrūbežuots, par tū apmekliejumam juodasasoka da 22. februaram, rokstūt iz epostu vineta@lgsc.lv. Daleiba bez moksys.
Nūdarbeibys vadeis latgalīšu rokstu volūdys zynuotuoje ar daudzu godu pīredzi Muora Mortuzāne-Muravska. Obys nūdarbeibys nūtiks Preiļūs, Raiņa bulvarī 22., 4.stuovā. Īeja nu pogolma. Suokums 14:00 stuņdēs.
Latgalīšu rokstu volūdys nūdarbeibys nūteik ar Vaļsts kulturkapitala fonda i bīdreibys “Preiļi izglītotai Latvijai” podturiešonu.
Leidzeigī roksti:
Latgolys muokslys i amatnīceibys centrā var īsaklauseit Latgolā Augusts 19, 2020 
Aicynoj dasasaceit Latgolys folklorys školai Augusts 28, 2020 
Nūtiks latgalīšu dzīšmu koncerts “Dzīšmu gruomota” Septembris 9, 2020 
