Itūšaļt Juoņs Žugovs dzeivoj Reigā, nu ostoņdasmytajūs i deveņdasmytajūs godūs jis beja vīns nu pazeistamuokajim kulturys darbinīkim Daugovpilī. Jis gon nanūlīdz sovu sabīdriskū aktivitati ari dzeivojūt golvyspiļsātā. Taipoš Juoņs Žugovs pastreipoj, ka latgalīšam obligati nav juodzeivoj Latgolā, jam juopalīk latgalīšam naatkareigi nu atsarasšonys vītys.

Juoņs Žugovs dzims 1950. godā Rēzeknē, kur ari pavadejs bārnu dīnys. Juo sātā bejs cīš daudzi gruomotu latvīšu i latgalīšu volūdā, nu kurūs jis vuicejīs viesturi i izzynuojs kulturu. Jau nu pošys bierneibys juo dzeive saisteita ar muokslu i muzyku.

Izaruod, ka Juoņs Žugovs ir pyrmais profesionalais obojis spālātuojs Latgolā, pyrmais Daugovpiļs teatra direktors. Taipoš jis kūpā ar dumubīdrim dybynuoja tautys lītiškuos muokslys studeju “Latgale” i beja iniciators Tautys frontis kusteibai Daugovpilī. Tok par sovu golvonū miseju, dzeivojūt Daugovpilī, jis skaiteja piļsātys latviskuošonu.

Ari niu Juoņs Žugovs aktivi sekoj leidza nūtikšonom i procesim Latgolā.