“Pi myusim Latgolā” – saruna ar latgalīšu hip-hop muzykys aizsuocieju Ivuku
Modernuo latgalīšu muzyka nav īdūmojama bez cylvāka, kurū varbyut kaids jau paspiejs aizmierst. Vēļ pyrma grupys “Borowa MC” pyrmsuokumu latgalīšu hip-hop muzykā dorbuojuos kaids jaunīts nu Ludzys, kurū niu varam saukt par latgalīšu repa muzykys aizsuocieju – Ivo Grigalis.
Ivo Grigalis aba Ivuks vaira zynoms kai projekta “Ultimats” dalinīks. Hip-hop muzykys stilā jis suoce dorbuotīs apmāram pyrma 15 godu. Pyrmī juo īroksti taiseiti sātā, kab vyspuor raudzeitu saprast, kai saīs. Piec tam Ivo ar sovim dūmubīdrim Felicianovā izveiduoja nalelu studeju, kur ari nūtyka tuoluokuo darbeiba.
Jis paspiejs sasadorbuot ar taidom Latvejis hip-hopa zvaigznem kai Ozols. Taipoš nazkod jis repuojs ari bejuošuos vaļsts prezidentis Vairys Vīkis-Freibergys prīškā.
