Itymā nedeļgolā, 25. februarī, Reigā, NABAKLAB, nūtiks Sovvaļnīka jaunuo albuma “Napaseitynuots” attaiseišonys svātki.

Koncerta suokums 21.00. Beletu moksa īprīškpuordūšonā ticketshop.lv i klubā iz vītys – 3 eiro, koncerta dīnā – 5 eiro.

Sovvaļnīka albums “Napaseitynuots” ir veļteits izcylai latgalīšu dzejneicai Annai Rancānei. Dzīsmis īraksteitys sadarbeibā ar Latvejā zynomim skaņu režisorim Gintu Lundbergu, Māri Brensonu, Eināru Lipski i Gintu Stankeviču. Īrokstā pīsadola Sovvaļnīka grupys bīdri – Māris Lovniks (gitara), Artūrs Meļnikovs (bass) i Vadims Meļuščenkovs (bungys), kai ari vairuoki gosti – Kaspars Tobis, Māris Muktupāvels, Biruta Ūzuleņa (Ozoliņa), Guntra Kuzmina, Mareks Gusāns, Pīters Daugulis.