“Pi myusim Latgolā” – saruna ar Viesturu Kairišu
Aizvadeituos nedelis nūslāgumā raidejuma “Pi myusim Latgolā” veiduotuoji Reigā sasatyka ar režisoru i kaisleigu latgalīšu volūdys i kulturys aizstuovi Viesturu Kairišu.
Viesturs Kairišs īsasaistejs ari Latgolys kongresa symtgadis pasuokumu organiziešonā.
Jau īprīkšejuos intervejuos Viesturs Kairišs bejs gona skorbs, sokūt, ka piec latgalīšu volūdys izgaisšonys Latvejis stuņdis tiks skaiteitys. Taipoš jis pastreipoj, ka pamoz teik dūmuots, runuots i dareits latgalīšu interešu i volūdys vaicuojuma lobā.
Viestura Kairiša vacuoki ir nu Latgolys, i niu jis pats rauga lelu daļu sovys kasdīnis pavadeit Latgolā – natuoli nu Viļānu.
