Jau 37. reizi keramikys meiļuotuoji i pūdnīki teik aicynuoti dasadaleit Latgolys pūdnīku dīnuos. Itūgod pūdnīku dīnys aizasuokušys jau 19. aprelī, sovpus kulminaceja – keramikys cepļa kūršona byus 28. aprelī.

Par lelu puorsteigumu, nu itūgod keramikys cepļa kūršona nūtiks Pītera Gailuma darbneicā Iļžukolna pogostā. Izcylais pūdnīks Pīters Gailums myužeibā aizguoja ituo gods suokumā.

Niu, pasasokūt juo saimei, dūmubīdrim i leidzgaitnīkim, Latgolys pūdnīku dīnu ītvorūs keramikys meiļuotuoji aicynuoti pagasteit Pītera Gailuma keramikys darbneicā “Podnieki”. Pītera Gailuma keramikys cepli kūrt uzajiems Stanislavs Viļums.

Ar vīnu nu Latgolys pūdnīku dīnu organizatorim – Andri Ušpeli – raidejumā “Pi myusim Latgolā” sasatyka Laura Sondore-Strode.