Pīduovojam nūsavērt vakar pyrmizruodi pīdzeivojušū eiskinu “Lauleibys”, kas ir viesturiskūs eiskinu cykla “Pyrmī osni” ūtruo daļa.

Viesturiskajā eiskinā “Lauleibys” paruodeita Latgolys inteligeņcis – Fraņča Kempa i Fraņča Trasuna argumentaceja i reiceiba Rēzeknis 1917. goda viesturiskuo apreļa kongresa laikā, kurymā tyka nūlamts, ka Latgolys, Vydzemis i Kūrzemis latvīši ir vīna tauta i Latgolai juoapsavīnoj ar puorejim tūpūšuos Latvejis vaļsts nūvodim vīnā zemē. Viesturiskī insceniejumi ir papyldynuoti ar viesturnīka Vladislava Malahovska i volūdneicys Ilgys Šuplinskys komentarim i skaidruojumim.
Obeju Fraņču lūmuos īsajutuši akteri Kristaps Rasims (Fraņcs Kemps) i Muorteņš Egliens (Fraņcs Trasuns). Kinu veidoj rodūšuo grupa: režisori Dainis Platacs, Inese Mičule, scenareja autori Valentins Lukaševičs, Oskars Orlovs, operatori Sergejs Čakāns, Vitālijs Dudarenoks, muzykys autors Kārlis Kazāks. Kina radeita ar interesentu i zīduotuoju atbolstu.

Sovukuort eiskinu cykla pyrmuo daļa “Gambits 1917” papyldynuota ar Daugovpiļs Universitatis asociātuo profesora, viesturis zynuotņu doktora Henriha Soma komentarim.