Gatavejūtīs pošvaļdeibu vieliešonom, raidejuma “Pi myusim Latgolā” veiduotuoji sasatyka ar Rēzeknis piļsātys pošvaļdeibys puorstuovim i deputatu kandidatim, kab dazynuotu vaira par dzeivis kvalitati piļsātā.

Tenis Bikovskis sasatyka ar Rēzeknis piļsātys pošvaļdeibys vieliešonuos kandidejūšūs parteju sarokstu pyrmajim numerim.

Konkurenti osi kritizej niulejuos pošvaļdeibys vadeibys dorbu. Vīni puormat par naapdūmuoti pīškiertim bezmoksys pakolpuojumim, cyti soka, ka niu teik cīši daudzi kas calts i taiseits, kas nabyutu eistuo prioritate.

Uzrunuotuos personys vīnbalseigi skaita, ka leluokuos problemys ir dzeivuotuoju aizbraukšona i bezdorbs, partū napīcīšams dasaisteit investorus.

Rēzeknis piļsātys dūmis prīšksādātuojs Aleksandrs Bartaševičs sovu dorbu viertej apmīrynūši, nu soka, ka vēļ ir gona daudz doramuo.