Latgaliskais gors Amerikā – “Kolnasātā” gastej trymdys latgalīts Ugis Sprūdžs
Maja suokuos 4. pasauļa latgalīšu saītā Rēzeknē kluotyn beja ari latgalīši, kurūs seņči Ūtruo pasauļa kara laikā devēs trymdā iz Rītumim. Vīns nu jūs ari gastej “Kolnasātā”. Ugis Sprūdžs dzeivoj Čikagā, ASV, i ir nu Strodu dzymtys, tuos pošys, kurai pīdar ari gareidznīks i filologs Pīters Strods. Dzeivuodams Rītumūs, Ugis rauga uzturēt latgaliskū goru i vysmoz reizi godā braukt gostūs iz Latveju i Latgolu.
Pādejais laiks ir cīši ražeigs latgalīšu muzykā, itūreiz raidejums stuosta par Rēzeknis muzykaluos apvīneibys “Excelsus” albumu “Veltījums dzimtajai pilsētai”. Caur tū īspiejams dūtīs muzykalā ceļuojumā, albumā īkļautys pasaulī zynomys dzīsmis, kai ari latgalīšu radeiti skaņdorbi. Ar apvīneibu “Excelsus” sasatyka Dace Dambe.
Itamā reizē skaņ ari Vuordineica, kurymā rakstnīks i literaturzynuotnīks Valentins Lukaševičs i muzikis, viesturnīks Arņs Slobožanins runoj par vuordim “skaiteit” i “laseit”.
