Latgolys NVO atkluotuo viestule NEPLP

Latgolys NVO atkluotuo viestule NEPLP

Nacionalajai elektroniskūs plošsazinis leidzekļu padūmei,

Dūma laukums 8A

Reiga, LV – 1939

Rēzeknē, 22.05.2017.      

                                                                          

1. Latvejis Radejis (LR) vaļdis lūcekle Sigita Roķe īpazeistynuoja Nacionalū elektroniskūs plošsazinis leidzekļu padūmi ar koncepceju maineit radejis stacejis LR5 (Pieci.lv) programys uzstuodejumus, kas iz prīšku varātu palikt par latvīšu muzykys programu.

Grybam nūruodeit, ka Elektroniskūs plošsazinis leidzekļu lykuma 71. pants par sabīdryskū pasyutejumu nūsoka “nūdrūsynuot latgalīšu rokstu volūdys kai viesturiska latvīšu volūdys paveida i lībīšu volūdys kai pyrmdzeivuotuoju volūdys saglobuošonu, aizsardzeibu, atteisteibu i lītuošonu”.

Jemūt vārā tū, ka Latvejis Radejis 5. programa raida divejuos frekveņcēs Latgolā (Rēzeknē i Daugovpilī), grīžamēs pi Nacionaluos elektroniskūs plošsazinis leidzekļu padūmis ar lyugumu, saslādzūt pīmynātuos frekveņcis vīnuotā teiklā, nūdrūsynuot latgalīšu muzykys programu sabīdriskajā medejā, kū varātu veikt Latvejis Radejis Latgolys multimedeju studeja Rēzeknē.

2. Jemūt vārā tū, ka Latvejis Radejis (LR) sabīdriskajā pasyutejumā ir paradzāts nūdrūsynuot LR 5 programys (Pieci.lv) muzykys straumi “PIECI LATGALIEŠI” i tam ir apstyprynuots finansiejums, aicynojam veikt napīcīšamūs pasuokumus ituo muzykys škārsteikla kanala raideišonys suokšonai.

 

Bīdreiba “Latgolys Saeima”, G. Rasims

Bīdreiba “Latgolys Studentu centrs”, G. Nagle

Bīdreiba “Latgalīšu kulturys bīdreiba”, L. Plavinska

Bīdreiba “Latgales tradicionālās kultūras centrs “Latgaļu sāta”, M. Zeimule

Bīdreiba “Upītes jauniešu folkloras kopa”, A.Slišāns

Bīdreiba “Latgolys Producentu Grupa”, E. Husare

Bīdreiba “Kukuži”, O.Orlovs

Print Friendly, PDF & Email

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.