“Kolnasātā” diskuseja par 4. pasauļa latgalīšu saīta rezoluceju

“Kolnasātā” diskuseja par 4. pasauļa latgalīšu saīta rezoluceju

6. maja vokorā Rēzeknē piec garom i spraigom diskusejom 4. pasauļa latgalīšu saītā tyka pījimta rezoluceja. Tamā teik runuots par latgalīšu volūdys statusu, tuos lītuojumu oficialajā saziņā ar vaļsts i pošvaļdeibu īstuodem. Taipat ir vaicuojums par Latgolys regiona lingvistiskū ainovu, latgalīšu volūdys lūmu izgleiteibā, kulturā, plošsazinis leidzekļūs, zynuotnē i pietnīceibā. Rezolucejā izsaceits aicynuojums apstyprynuot latgalīšu (Latgolys) karūgu, kai ari īkļauts īrūsynuojums 27. apreli nūsaceit par Latgolys dīnu.

I poši latgalīši, i puorejuo Latvejis sabīdreiba rezolucejā izsaceituos dūmys naviertej vīnnūzeimeigi, tuos teksts radejs rezonaņsi Latvejis sabīdreibā. Daļa latgalīšu nūsarūbežoj nu tuos, izskaniejs ari redzīņs, ka rezoluceja škeļ Latvejis sabīdreibu, kai ari Latgolys i latgalīšu vierzīnī ir raideita osa kritika.

Kai tyka radeita rezoluceja, kai tuos saturu viertej latgalīši, voi juoreagej iz izsaceitajim puormatumim i kaida byus tuoluokuo reiceiba rezolucejis eistynuošonā, atsacejumi teik vaicuoti kūpā ar raidejuma gostim. Diskusejā pīsadola Rēzeknis Tehnologeju akademejis profesore i vīna nu 4. pasauļa latgalīšu saīta organizatorem Ilga Šuplinska, Rēzeknis specialuos ekonomiskuos zonys puorvaļdis vadeituoja Sandra Ežmale, SIA “Latgales dārzeņu loģistika” vaļdis lūceklis Edgars Romanovskis i kluba “Artilērijas pagrabi” saiminīks Andrejs Faibuševičs.

Print Friendly, PDF & Email

Nūtikšonu kalendars

Dec
4
Svā
vysu dīnu Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Dec 4 vysu dīnu
Daugovpiļs Nūvodpietnīceibys i muokslys muzejā da 4. decembra apsaverama Aleksandra i Ingys Maijeru muzykys instrumentu i skaņu reiku kolekcejis izstuode “Pierastie un neparastie”. Inga Maijere i Aleksandrs Maijers jau vaira nakai divdesmit godu taisa skaņu[...]
15:00 Kamermuzykys koncerts “Latgales ... @ Lūznovys muiža
Kamermuzykys koncerts “Latgales ... @ Lūznovys muiža
Dec 4 @ 15:00 – 16:30
Koncerts “Latgales ainavas” veļteits Latgolā dzymušu, kai ari ar tuos kulturu saisteitu komponistu dorbim. Koncertā byus klausama kamermuzyka flautai, vejūlei i klavīrem, kū atskaņuos jaunekleigais akademiskuos muzykys trio “Tea For Three”. Trio sastuovā muzicej flautiste[...]