Atdzymst latgalīšu reps

Atdzymst latgalīšu reps

Pādejuos dīnuos škārsteikla vidē lelu popularitati pīdzeivuojs apvīneibys “Latgalīšu reps” video “Skots pa lūgu”. Tys filmāts Latvejis vacuokajā piļsātā Ludzā i teik dasaceits kai pyrmais īskots apvīneibys tūpūšajā albumā “Žārei gaļi”.

Apvīneibys puorstuovs Ivo Grigalis stuosta, ka “Latgalīšu reps” ir atdzims, pasasokūt Ivo i Didzim, kurūs vīnoj draudzeiba, muzyka i kūpeigs mierkis: īraksteit jaunu, kvalitativu repu latgalīšu volūdā.

Grupys nūsaukums rodīs jau tuolajā 2003. godā, kod jauns i ambiciozs jaunieklis Ivo nu Ludzys īraksteja sovu pyrmū dzīsmi “Vysu, kū tu saskoti”. Tūreiz repa īroksts latgalīšu volūdā ceļuoja nu rūkys rūkā, cikom tyka Radio SWH “Lāga” topā i tautā tyka nūsaukts par “Latgalīšu repu”.

Pasasokūt intervejai raidejumā “Pi myusim Latgolā”, Ivo roduos īdviesme atsagrīzt Latgolys muzykys industrejā i īraksteit koč kū jaunu. Itūšaļt apvīneibai “Latgalīšu reps” jau ir radeiti vairuoki demo īroksti. Planavojās ari jauni video i dzeivuos uzastuošonys, vīna nu kurūs paradzāta Ludzys piļsātys svātkūs augustā. Pasasokūt myusu dīnu vareibom, puiši tyc – “Latgalīšu reps” atdzims.

Kalenders

Jul
15
Ūtr
19:00 Leivuona piļsātys svātki @ Leivuons
Leivuona piļsātys svātki @ Leivuons
Jul 15 @ 19:00 – Jul 19 @ 23:45
Ar pylnu svātku programu var īpasazeit ITE.
Jul
17
Cat
19:00 Izruode “Mazpiļsāta” @ "Ulbrokas pērle"
Izruode “Mazpiļsāta” @ "Ulbrokas pērle"
Jul 17 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]