Tepat aiz kaļneņa ir Vosorys saulgrīži, Juoņa dīna. “Kolnasātā” gastej muziki Rasma i Gunārs Igauni, sarunā ar jim var izzynuot, kai lobuok svieteit itūs svātkus. Raidejuma gosti pastreipoj, ka itymūs svātkūs nūzeimeigs ir gareigums, kuruo bīži viņ datryukst. Igauņu saimei Vosorys saulgrīžu laiks ir treiskuorši svātki, itymā laikā ir dzims Gunārs i ari vīna nu meitom.

Igauņu saimis dzeivē lelū lūmu spielej muzyka, vysa saime kūpā uzastuoj koncertūs, leluoku popularitati īmontojūt piec daleibys šovā “Dziedošās ģimenes”. Sovukuort Gunāra kasdīna paīt Rēzeknis nūvoda Gaigalovā, kur jis izgatavej muzykys instrumentus i uzjam gostus muzykys instrumentu muzejā.

“Vuordineicā” literaturzynuotnīks Valentins Lukaševičs i muzikis Arņs Slobožanins runoj par vasareigu nūdarbi – peļdiešonu aba mauduošonu.