Postfolklorys grupa “Rikši” pīduovoj div jaunys Juoņa dīnys dzīsmis

Postfolklorys grupa “Rikši” pīduovoj div jaunys Juoņa dīnys dzīsmis

Juoņa dīnys tyvumu var just na tik dīnys gaišuo laika garumā i vosareigajūs laika apstuokļūs, nu ari apleik nūteikūšajūs koncertūs, tierdzeņūs, svineibuos i, saprūtams, radejis apritē. Ari Latgolys jaunīšu postfolklorys grupa “Rikši” nailgi pyrma vosorys saulgrīžu pīduovoj klauseituojim div mozuok dzierdātys Leigū dzīsmis.

Nu īprīkšejuos bleivplatis “Sieju sovu” izīšonys paguojs pusūtrys gods, lānai suocīs dorbs pi jauna albuma, kas veļteits Godskuortu īražu dzīsmem. Obejis jaunuos dzīsmis ir kai puorīšona storp programom, atguodynojūt, ka “Rikši” nikur nav pagaisuši.

Dzīsme “Visu gadu Jānīt’s nāca” īt nu Vydzemis i ir jaunuokais grupys veikums. Tamā ar drupeit rūtaleigu īzeimi atsakluoj dalinīku izjiutys par goda eisuokuos nakts nūtikšonom, emocejom i izdareibom. Zeimeigai, ka, koč i pādejūs godūs cīša sadarbeiba, draudzeiba i koncertdarbeiba “Rikšim” bīži nūteik taišni Vydzemē, itei ir vīna nu pyrmajom grupys Vydzemis dzīsmem, kai ari tik trešuo, kas īraksteita latvīšu literarajā volūdā.

“Sanuocit i Juoņa bārni” grupys repertuarā ir jau gondreiž nu pošu “Rikšu” pyrmsuokumu. Reiz atrosta kaidā latgalīšu tautysdzīšmu būrtneicā, dzīsme iz laiku nūklusa nu jaunīšu repertuara, tok viņgod veiksmeigai atsagrīzuse apritē. Grupai ruodīs, ka itei ir eistuo šaļts nūdūt Latgolys vosorys ļustis sajiutys leluokai auditorejai.

Print Friendly, PDF & Email

Nūtikšonu kalendars

Jul
2
Sai
11:00 Sātys kopejneicu dīnys @ Preili, Aglyuna i Leivuons
Sātys kopejneicu dīnys @ Preili, Aglyuna i Leivuons
Jul 2 @ 11:00 – Jul 3 @ 17:00
Sātys kopejneicu dīnys @ Preili, Aglyuna i Leivuons
 
17:00 Maltai 85 @ laukumā pi Maltys KN
Maltai 85 @ laukumā pi Maltys KN
Jul 2 @ 17:00 – 23:45
Maltai 85 @ laukumā pi Maltys KN
Jul
3
Svā
vysu dīnu Izstuode “Līvāni=Stikls” @ Daugovpiļs muola muokslys centrs
Izstuode “Līvāni=Stikls” @ Daugovpiļs muola muokslys centrs
Jul 3 vysu dīnu
Daugovpiļs piļsātys svātku dīnā, 3. junī 14.00 stuņdēs Daugovpiļs muola muokslys centrā nūtiks Leivuona stykla i amatnīceibys centra izstuodis “Līvāni = stikls” atkluošona. Izstuodē apsaverami Leivuona stykla i amatnīceibys centra stykla pyutieju Aleksandra Logvina i[...]