Itūreiz raidejuma “Pi myusim Latgolā” veiduotuoji pīduovoj sarunu ar Irēnu Saprovsku. Jei izveiduojuse nūdybynuojumu “MĀRAS LOKS” i pietej myusu seņču tradicejis, kai ari nūruoda, ka Leigū svātkus kai vosorys saulgrīžus svietejam naeistajā datumā. Ar Irēnu Saprovsku Lelajā Latgaļu tiergā Ludzā sasatyka Tenis Bikovskis.

Iz vaicuojumu, kas ir Irēna Saprovska, jei atsoka ar nazkod sajimtu frāzi: “Kāpēc tur, kur tu ierodies, saceļas devītais vilnis? Tāpēc, ka nelietība pret mani atduras kā izkapts pret akmeni.” Jei sevi sauc par patīseibys maklātuoju.

Saprovskys kuņdzis saknis atsarūn tepat Latgolā. Juos tāvs ir nu Pasīnis, sovpus muote nu Škaunis. Juos vacuoki vīns ūtrā īsavēre, kod sasatyka Reigā. Sovpus Irēna Saprovska dzymuse Jiurmolā.

Irēnai cīš interesej seņču tradicejis i latviskuo dzeivisziņa. Tuos pamatā jei saradz taišni latgaliskuos kulturys i etniskuos vierteibys.