“Kolnasātys” gosti Ivo i Didzis nu apvīneibys “Latgalīšu reps”

“Kolnasātys” gosti Ivo i Didzis nu apvīneibys “Latgalīšu reps”

Pyrms kaidys šaļts par škārsteikla sensaceju palyka hip-hopa kompozicejis “Skots pa lūgu” videoklips. Dzīsmi latgaliski izpylda apvīneiba “Latgalīšu reps”, tuos dalinīki Ivo Grigalis i Didzis Kozlovs gastej “Kolnasātā”. Puiši stuosta par sovu pīredzi hip-hopā i jaunuo albuma tapšonu, kurā vysys dzīsmis planavuotys latgaliski. Sarunys izskaņā Ivo skaita dzīsmi nu gaidamuo albuma.

Sižetā teik viesteits par studentim aktualu vaicuojumu. Rodusēs dūma izveiduot Latgolā studentu korporaceju, kurā daleibu varātu jimt Rēzeknis Tehnologeju akademejis studenti. Da šam Latgolā studentu korporaceja nikod nav bejuse, nu nazkod studenti nu Latgolys beja izveiduojuši sovu korporaceju Reigā. Vaira stuosta Laura Sondore-Strode.

“Vuordineicā” literaturzynuotnīks Valentins Lukaševičs i muzikis Arņs Slobožanins runoj par vuordu “buoba”.

Print Friendly, PDF & Email

Nūtikšonu kalendars

May
17
Ūtr
15:00 Maja dzīduojumi pi krysta @ Ūzulainis krysts
Maja dzīduojumi pi krysta @ Ūzulainis krysts
May 17 @ 15:00 – 16:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.
16:00 Maja dzīduojumi pi krysta @ Pleikšņu krysts
Maja dzīduojumi pi krysta @ Pleikšņu krysts
May 17 @ 16:00 – 17:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.