Latvejis symtgadi gaidūt, Latvejis Nacionaluo arhiva Rēzeknis zonalais vaļsts arhivs ir sagatavejs izstuodi “Cilvēks ar Latgali sirdī”, viestej informaceja Latvejis Nacionaluo arhiva sātyslopā.

Izstuode simboliski atkluoj Latgolys vītejuo dzeivuotuoja – latgalīša – pasauļa redzīni, vierteibys, dorba mīlesteibu i ticeibu Dīvam. Izstuodis pamatdūma ir īpazeistynuot sovus apmaklātuojus ar lītom, objektim, materialajom i gareigajom i cytom vierteibom, ar kuruom Latgolys cylvāks pieckara kasdīnā sasatyka kotru dīnu.

Apjimtuo teritoreja ir bejušī Rēzeknis i Ludzys rajoni, nu apsavārtais laika pūsmys puorsvorā ir nu 20. godu symta 40. godim da 1990. godam, dūmūt ari nalelu prīškstotu par situaceju myusu dīnuos. Myusu dīnu attālus ir radejs Rēzeknis Tehnologeju akademejis video studejis golvonais specialists Māris Justs.

Izstuode apsaverama Latvejis Nacionaluo arhiva Rēzeknis zonalajā vaļsts arhivā, Duorzu īlā 7a, Rēzeknē, kotru dorba dīnu nu 8.30 da 16.30.