Vuorkovā stuosteis kuozu saimineicu stuostus

Vuorkovā stuosteis kuozu saimineicu stuostus

21. i 22. julī Vacvuorkovā i Vuorkovā nūtiks II Latgolys stuostnīku festivals “Omotu stuosti”, viestej informaceja UNESCO Latvejis Nacionaluos komisejis (LNK) teikla “Stāstu bibliotēkas” sātyslopā. Festivals itūgod veļteits kuozu saimineicom i jūs stuostim. Iz festivalu aicynuotys i pošys saimineicys, i stuostnīki, kurī zyna jautrus gadīņus nu kuozom, i tī, kas gryb tūs klauseitīs.

II Latgolys stuostnīku festivals itūgod pīduovoj vareibu īpazeit vīnu nu dzeiveiguokuom i skaistuokuom Latgolys tradicejom – kuozu saimineicu prasmis i jūs stuostus par naaizmierstamim i smīkleigim gadīnim nu kuozu saimineicu, vedieju, muzykantu, kuozinīku voi jaunuo puora dzeivis. Festivalā byus sateikami stuostnīki nu vysaidim Latvejis nūvodim i byus vareiba dzierdēt atškireigus dialektus i prasmeigus muzykantus.

21. julī Vuorkovys Tautys nomā 19.30 stuņdēs interesenti eipaši aicynuoti apmeklēt anekdotu i jautrūs stuostu vokoru “Pasasmēju smiekliņam”. Tymā byus vareiba dzierdēt festivala stuostneicys Bronislavu Gavari i Valentinu Mačāni, Vacvuorkovys folklorys kūpys sīvys, anekdotu stuosteituojus nu folklorys kūpys “Volyudzeite”, folklorys kūpu “Dzeipurs” i “Traistēni”, kai ari UNESCO LNK teikla “Stāstu bibliotēkas” i cytus stuostnīkus nu vysys Latvejis.

22. julī 14.00 Vacvuorkovys breivdobys estradē sevkurs laipni gaideits iz festivala nūslāguma pasuokumu “Kas smieklam nesasmēja, tas pats lieti nederēja” – latgalīšu i cytu nūvodu kuozu stuosti ar vītejuom folklorys kūpom i stuostnīkim.

Latgolys stuostnīku festivalam ir eipaša nūzeime stuostnīceibys tradiceju īdzeivynuošonā, boguotynojūt Latgolys kulturtelpu i īzeimejūt Latgolys sovpateibu Latvejis kulturys kūpainā. Reizē festivals ryupejās par stuosteišonys tradiceju saglobuošonu, atteisteišonu i nūdūšonu tuoļuok nuokušuom paaudzem. Festivals ir nūzeimeiga Latvejis stuostnīku kusteibys daļa, tys apvīnoj UNESCO LNK teikla “Stāstu bibliotēkas” dalinīkus vysā Latvejā, Latgolys tradiceju kūpiejus i stuostnīceibā īinteresātūs nu vysu Latvejis nūvodu.

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]