Reitu, 2. augustā, 15.00 Latgolys Kulturviesturis muzejā (Atbreivuošonys alejā 102, Rēzeknē) tiks atkluota Latgolys keramikys meistaru Jolantys i Valda Dundenieku izstuode “Es mālā – māls manī”, informej Rēzeknis Kulturys i turisma centra puorstuove Maija Upeniece.

Jolanta i Valdis Dundenieki ar keramikys i karteņu izstuodi “Es mālā – māls manī” gryb atsavērt iz kūpā muola burveibā i spākā pavadeitajim 30 godim, kai ari jau pavasarī nūsvieteitū Jolantys skaistū i opolū jubileju.

Struodojūt kasdīnā placu pi placa, radeiti naskaitami Latgolys tradicejā sakņuojušīs muola trauki, svečturi, seikplastika. Keramikys dorbus papyldynoj Valda uzjimtuos kartenis, kas i pošim, i kolegim, i draugim atguodynuos kaidu kūpā pavadeitu svātku voi dorba šaļti, nu izstuodis apmaklātuojim ļaus īsavērt Latgolys pūdnīceibys meistaru sejuos, jūs cepļūs, Latvejis dobys tik daudzveideigajuos nūskaņuos.

Izstuode Rēzeknē apsaverama nu 2. augusta da 2. septembra.