“Pi myusim Latgolā” viestej par Aiņa Šaicāna pīminis koncertu
Par gūdu grupys “Leijerkastnieki” 30. godadīnai i grupys solista Aiņa Šaicāna pīmiņai Bolvūs itymā nedeļgolā nūtiks koncerts “Draugu tikšanās”. Ari raidejuma “Pi myusim Latgolā” veiduotuoji nūbrauce iz Bolvim, kab dazynuotu vaira par itū nūtikšonu.
Ainis Šaicāns dzims 1950. goda 12. aprelī Abrenis rajona (niu Viļakys nūvoda) Susuoju cīma padūmis Bierznīku cīmā. Izcylais sabīdryskais darbinīks jau vaira kai pīcus godus verās iz myusu nu muokūņu malenis, nu juo davums muzykys i sporta pasaulī sasaglobuojs gaišā pīmiņā.
Mārim Lāpānam, kurīs vaira zynoms kai vīns nu muzykys festivala “Osvalds” organizatoru, jau pyrma puors godu beja dūma organizēt pīminis pasuokumu grupys “Leijerkastnieki” lideram. Runojūt par Aini Šaicānu, Māris Lāpāns nūruoda, ka nav pareizi, ka Bolvu pusē taidu cylvāku atguodoj pamoz.
Koncertā “Draugu tikšanās” Aiņa Šaicāna dzīsmis izpiļdeis vysaidi muokslinīki, i piec 15 godu kluseišonys iz skotuvis kuops legendaruos grupys “Leijerkastnieki” sastuovs.
Taipoš ar puordūmom par kūpā pavadeitū laiku ar Aini Šaicānu raidejumā “Pi myusim Latgolā” dalejuos grupys “Leijerkastnieki” soliste, basgitarists i Aiņa Šaicāna sīva Irēna Šaicāne.
DrukavuotLeidzeigī roksti:
Zīmeļlatgolys retro rallejs jau 13. reizi 11/07/2019 
