18. augustā 14.00 Latgolys Kulturviesturis muzejā (Atbreivuošonys alejā 102, Rēzeknē) nūtiks izgleitojūšys kruosojamuos gruomotys bārnim “Ieskats Rēzeknes vēsturē” atkluošonys svātki, informej muzejpedagoge Inese Ločmele-Jansone.

Gruomotys bārnim par Rēzeknis i tuos apleicīnis viesturi, kulturu, izcyluokajim cylvākim “Ieskats Rēzeknes  vēsturē. Lasi! Domā līdzi! Veic uzdevumus! Krāso!” izveiduotuoja ir Rēzeknis Pūļu vaļsts gimnazejis školuotuoja Ingūna Zeiļa, ilustratore Muora Aleksandroviča, redaktore Anna Rancāne. Rēzeknis i tuos apleicīnis suokumškolu audziekni, nūvoda vuiceibys stuņžu školāni, školuotuoji, sevkurs interesents gruomotā varēs izzynuot sova nūvoda viesturi, kulturu, tradicejis, par pīmāru, izgrīzt i salepēt pili-nūcītynuojumu.

Gruomota izdūta ar Rēzeknis piļsātys pošvaļdeibys agenturys “Rēzeknes Kultūras un tūrisma centrs” i Rēzeknis nūvoda finansialu atbolstu. 

Īīšona pasuokumā bez moksys.