Grupa “Gandreiž 10nīkā” izdavuse pyrmū albumu

Grupa “Gandreiž 10nīkā” izdavuse pyrmū albumu

Grupa “Gandreiž 10nīkā” izdavuse sovu pyrmū albumu “Nasoki nikuo”.

Albumā var dzierdēt devenis grupys izpiļdeituos dzīsmis, tymā skaitā ari jau leluoku popularitati sajāmušuos “Putneni”, “Ješka” i “Traktoru pavielnīks”. Vysu dzīšmu muzykys i tekstu autors ir Juoņs Kuzminskis (dzīsmē “Ehti” izmontuoti ari Ontona Slišāna vuordi), aranžiejumu i mix veiduojs Vitālijs Grišunovs.

Grupys liders Juoņs Kuzminskis stuosta, ka itys disks ir tik vīna daļa nu paradzātuo treiskuoršuo albuma. Taids formats izvālāts, partū ka “Gandreiž 10nīkā” sasakruojs ap 30-40 dzīšmu, kū salikt vīnā diskā nabyutu pruoteigai. Kotra albuma daļa tiks prezentāta atseviški.

Print Friendly, PDF & Email

Komentari

  1. Armands Kociņš Kūceņš

    Parkū “Gandreiž”, a na “Gondreiž”?

Nūtikšonu kalendars