Itūreiz raidejums “Pi myusim Latgolā” gastej Aglyunā, kur Valdis Tumovs pats sovim spākim izveiduojs kara muzeju aba 2. pasauļa kara ekspoziceju. Kab dazynuotu, kai rodusēs itei unikaluo ekspoziceja i kas tod eistyn tī apsaverams, iz Aglyunu nūbrauce Laura Sondore-Strode.

Ekspozicejā apsaveramys formys, korstī aba šaunamīrūči, leli i mozi lūžmetieji. Tuos saiminīks Valdis Tumovs stuosta, ka itei ekspoziceja ruodīs pīviļceiga na viņ veirīšim i bārnim, nu ari sīvītem.

Valdis Tumovs vairuoku godu garumā vaicuojs i pietejs, piercs i mainejs lītys, kas niu līcynoj par baileigajom 2. pasauļa kara nūtikšonom. Par duorguokū 2. pasauļa kara ekspozicejis eksponatu Valdis Tumovs skaita viestuļu saraksti storp oberleitnantu Augustu i juo meiļuotū Martu.