Kai Preiļu slimineicu ītekmēs veseleibys apryupis sistemys reforma?
Par veseleibys nūzaris aktualitetem Latvejis Radejis raidejums “Kolnasāta” izvaicoj SIA “Preiļu slimnīca” vaļdis prīkšsādātuoju i Preiļu nūvoda dūmis deputati Ivetu Stari. Vaļstī uzsuokts dorbs pi veseleibys apryupis sistemys reformys, tei ītekmēs ari Preiļu slimineicu. I. Stare atkluoj, ka itūšaļt vysleluokais vaicuojums ir par slimineicys dzemdeibu nūdaļu, voi tū izadūs saglobuot. Planavuotuo reforma paredz mediķu olgu pīaugumu. Raidejums vaicoj ari, kaidu sovu pīnasamu Preiļu nūvoda atteisteibā saredz Iveta, asūt dūmis deputate.
Taipat “Kolnasāta” īsaver Latgolys viesturis nūtikšonuos. Taišni septembrī paīt 152 godi, kai suocēs Latiņu drukys aizlīgums. Itymūs godūs Latgolā rodās kulturys fenomens – ar rūku raksteitys goreiga i laiceiga satura gruomotys. Zynomuokais gruomotu puorraksteituojs ir Andryvs Jurdžs. Stuostu sagatavejuse raidejuma producente Vineta Vilcāne.
Žurnaliste Laura Sondore-Strode pietej, kaidys ir muojdzeivnīku, kaču i suņu, apbedeišonys īspiejis Latgolā. Vairums iz cytim medeibu laukim aizguojušūs kačus i suņus apgloboj piec sovim īskotim privateipašumā, bet voi tai dreikst, i voi Latgolā ir legalys dzeivnīku kopsātys?
